जता धन उतै मन, के ढल्केकी कान्छी मोरी,
जुठो हो कि चोखो मन, के सल्केकी कान्छी मोरी ।।
जेठिलाई चुरा पोते, किन्दै टुपी बिक्न लाग्यो,
फेरी तिमी लाली धसी, के झल्केकी कान्छी मोरी ।।
जेठि पनि मापाकी छ, जगल्ट्याउली कपाल तिम्रा,
राखी बन्चरोमा खुट्टा, के पल्केकी कान्छी मोरी ।।
कन्ने केटो पाउँछु भन्ने, ज्ञान हुँदाहुँदै पनि,
भरिएको मनतिर, के छल्केकी कान्छी मोरी ।।
ज्योति मेरी जेठि परी, आँखा उस्कै पछी लाग्छ,
पोल्ने थाहा भएपनी, के टल्केकी कान्छी मोरी ।।
No comments:
Post a Comment