सामिप्य नै प्यारो प्रीये, घाम किन चाहियो र,
मुस्कानले डाक मलाई, नाम किन चाहियो र ।
मुस्कानले डाक मलाई, नाम किन चाहियो र ।
जून देख्दा आकासमा, सम्झनाले सताउँछ,
तिम्रा मीठो याद भए, काम किन चाहियो र ।
विश्वासलाई साक्षी राखी, खुल्ला पत्र देउ प्रिये,
दुनियाँलाई छारो हाल्न, खाम किन चाहियो र ।
दुनियाँलाई छारो हाल्न, खाम किन चाहियो र ।
हामी दुई नअट्ने रे, कस्तो स्वार्थी संसार यो,
आफन्त नै विरानो यो, ठाम किन चाहियो र।
आफन्त नै विरानो यो, ठाम किन चाहियो र।
दुनियाँ नै बैरी हुने, कस्तो माया साटिएछ,
ईर्ष्या मात्र मौलाउने, गाम किन चाहियो र ।
ईर्ष्या मात्र मौलाउने, गाम किन चाहियो र ।
(जितु, सबिन अनी कथितजीलाई विशेष धन्यवाद !!!)
No comments:
Post a Comment