कैलेसम्म ए नेता हो जनताको भार बन्छौ,
तिम्ले चुनाव जितेपनि जनताको हार बन्छौ !!
चुनावअघि गर्छु भनी पाखुरा त्यो सुर्की हिड्यौ,
कैलेसम्म खुशी लुट्ने जनताको जार बन्छौ !!
कैलेसम्म ए नेता हो जनताको भार बन्छौ...
गोरु मेरो बार्है टक्का पौँठाजोरी खेली हिड्छौ,
मिलिजुली तिमी कैले दुई दुई चार बन्छौ !!
कैलेसम्म ए नेता हो जनताको भार बन्छौ...
भयो पुग्यो आतंकले किल्किले नै ढाकिसक्यो,
भलो गरी कैले तिमी मान्छे भाको सार बन्छौ !!
कैलेसम्म ए नेता हो जनताको भार बन्छौ...
आओ अब जुट नेता मान्ने गर लाज पनि,
सहकार्य गर्न कैले मौरीको त्यो घार बन्छौ !!
कैलेसम्म ए नेता हो जनताको भार बन्छौ...
No comments:
Post a Comment